عروضك وتحديثات طلباتك توصل عملاءك على واتساب، بدون مبرمج
ميتا أضافت أداة «حملات المراسلة» داخل منصة ميتا للأعمال. تقدر منها ترسل عرض لقائمة عملاء، أو رسائل تلقائية أول ما يتأكد طلب أو يتغير موعد حجز. هنا نشرح لك وش تحتاج، وكيف تبنيها خطوة بخطوة، وكيف يساعدك Autorply تجهز كل شي صح من البداية.
وش تقدر ترسل؟
حملة ترويجية لمرة وحدة
رسالة وحدة توصل لعدد كبير من العملاء: عرض، منتج جديد، أو خصم خاص. تحدد الميزانية والتاريخ، وترسل بس للي وافقوا يستقبلون رسائل تسويقية منك.
رسائل تلقائية مع كل تغيير
- تتبع الطلبات: تأكيد، شحن، توصيل.
- حجز المواعيد: حجز، تعديل موعد، إلغاء.
- أتمتة مخصصة: تذكير دفع، تحديث حساب، استبيان رأي.
وش تحتاج تجهز؟
- صلاحية كاملة على حافظة أعمالك في ميتا.
- رقم واتساب للأعمال موثّق، وحد الرسائل فيه يكفي حجم حملتك.
- قاعدة عملاء وافقوا يستقبلون منك رسائل تسويقية.
- وسيلة دفع مضافة على الحسابات اللي ميتا تحاسب عليها (تحت نوضحها).
- للحملات التلقائية: نظام إلكتروني فيه بيانات طلباتك أو حجوزاتك، وخدمة تكامل تدعمها ميتا تربطه بواتساب.
تفتح الأداة من هنا:
Meta Business Suite › All tools › Messaging campaigns
بناء الحملة خطوة بخطوة
إنشاء الحملة
من حملات المراسلة اضغط إنشاء، واختر «ترويجية» تحت التسويق، وسمّ الحملة.
الهوية
اختر رقم الواتساب الموثّق اللي بترسل منه.
الجمهور
اختر قائمة عملاء جاهزة، أو ارفع قائمة جديدة بالقالب اللي توفره ميتا.
الجدولة والميزانية
حدد أعلى سعر تقبله للرسالة الواحدة، وميزانية الحملة، ووقت البداية والنهاية. ميتا تعرض لك التكلفة الافتراضية للرسالة في منطقتك، وترفع السعر الأعلى فوقها إذا تبي توصل لعدد أكبر.
المحتوى
اختر اللغة واكتب نص الرسالة. العنوان والتذييل والصورة أو الفيديو اختيارية.
الأزرار
لين 10 أزرار ردّ سريع أو «زيارة الموقع»، وكل زر نصه ما يتعدى 25 حرف. زر الموقع يقبل رابط ثابت أو رابط يضيف بيانات العميل من قائمتك.
التتبع
اختياري: اربط مجموعة بيانات موقعك عشان تقيس وش سوّى العملاء بعد الرسالة.
النشر
ميتا تراجع قالب الرسالة، وبعد الموافقة تبدأ الحملة في موعدها أو قريب منه. الردود توصلك في صندوق الوارد.
تحديثات الطلبات والحجوزات تشتغل لحالها
تختار نوع الحملة، وتربط النظام اللي فيه بيانات عملائك عن طريق خدمة التكامل. بعدها لكل رسالة تحدد أربعة أشياء:
إيقاف الحملة ومن يدفع الفاتورة
| التسويقية | التلقائية | |
|---|---|---|
| بعد ما تبدأ | تقدر توقفها، ما تقدر تحذفها | توقفها مؤقتًا أو تحذفها |
| التعديل بعد النشر | ميتا ما ذكرت | ما يتعدّل |
| تنحسب على | حساب إعلاني تنشئه ميتا لهذي الحملات | حساب المراسلة الخاص فيك |
| متى تدفع | لكل رسالة، وفقط إذا توصّلت | |
يعني تحتاج وسيلة دفع على كل حساب لحاله. وإذا ما تشوف الفوترة، غالبًا صلاحيتك على الحساب مو كاملة.
جهّز قائمتك صح
Autorply يجهّزك من البداية
كشريك ميتا الرسمي، نساعدك في كل اللي تحتاجه قبل أول حملة:
- توثيق نشاطك التجاري في ميتا وتجهيز حافظة الأعمال.
- ربط رقم واتساب الأعمال وتوثيقه.
- كتابة قوالب رسائل تنقبل من أول مرة.
- منصة Autorply للحملات والبوتات وصندوق وارد واحد لفريقك، مع تكامل سلة وشوبيفاي.
- رسوم ميتا تدفعها مباشرة لميتا، بدون أي زيادة منّا، وبياناتك مستضافة داخل السعودية.
أسئلة شائعة
هل أحتاج مبرمج؟
الحملات التسويقية لا، حسب ميتا. الحملات التلقائية تحتاج ربط نظام بياناتك بخدمة تكامل، وهنا نقدر نساعدك.
ليش ما أشوف «حملات المراسلة»؟
ممكن الميزة ما وصلت حسابك للحين، أو صلاحيتك على حافظة الأعمال أو حساب المراسلة مو كاملة.
أقدر أعدّل الحملة بعد النشر؟
التلقائية لا، توقفها أو تحذفها بس. التسويقية تقدر توقفها بعد ما تبدأ، وما تنحذف.
كم أقل حجم للقائمة؟
1,000 عميل على الأقل، بملف CSV أو TXT، والأرقام بمفتاح الدولة.
المصدر: مركز مساعدة الأعمال من ميتا، صفحات حملات المراسلة في منصة ميتا للأعمال وإرشادات تنسيق قوائم العملاء.